Хаартыска: Саха сиринээҕи Силиэстийэлиир кэмитиэтин пресс-сулууспата
36 саастаах Дьокуускай олохтооҕо күнүүлээн эр киһини өлөрө сатаабыт. Кини урукку кыыһын саҥа доҕоругар быһаҕынан саба түспүт.
Билигин эр киһи тутулунна, холуобунай дьыала көбүтүлүннэ, диэн Саха сиринээҕи Силиэстийэлиир кэмитиэтин пресс-сулууспата иһитиннэрдэ.
«Дьокуускай куорат силиэстийэлиир отделынан киин куорат 36 саастаах олохтооҕор РФ Холуобунай Кодексатын 30-с ыстатыйатын 3 чааһынан, 105-с ыстатыйатын 1 чааһынан (киһини өлөрөргө холонуу) көрүллүбүт буруйу оҥорууга уорбаланан холуобунай дьыала тэрилиннэ», — диэн Саха сиринээҕи Силиэстийэлиир кэмитиэтин пресс-сулууспата суруйар.
Силиэстийэ дааннайынан, эр киһиэхэ саба түһүү санаа эрдэттэн былааннаммыт. Быһылаан от ыйын 22 күнүгэр киэһэ хойут буолбут. Уорбаланааччы быһаҕынан сэбилэнэн, эмсэҕэлээччи үлэлиир маҕаһыыныгар кэлбит. Ити иннинэ кини урукку кыыһын кытта иирсээн тахсыбыт. Атыы-эргиэн павильонугар уорбаланааччы эр киһини түөскэ иккитэ быһаҕынан анньыбыт. Быһах биитэ уҥуохха түбэһэн тостубут. Ол кэннэ саба түспүт эр киһи куота сатаабыт.
Бааһырбыт эмсэҕэлээччи кинини маҕаһыын тамбуругар аҕыйах кэмҥэ тутан турбут. Ол эрээри уорбаланааччы онтон мүлчү туттаран тахсан, дьиэтигэр куоппут. Онно кинини полиция үлэһиттэрэ туппуттар. Эмсэҕэлээччи тыыннаах хаалбыт, киниэхэ кэмигэр мэдиссиинискэй көмө оҥоһуллубут. Саба түспүт киһи буруйу оҥорор санаата ситэриллибэтэх. Холуобунай дьыаланан дакаастыыр баазаны хомуйууга туһуламмыт силиэстийэлиир дьайыылар ыытыллаллар.
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…