Дьокуускай олохтооҕо лотереяҕа 1 мөл. солк. сүүйдэ

Дьокуускай олохтооҕо «Арассыыйа почтатын» салаатыттан лотерея билиэтэ ылан, 1 мөлүйүөн солкуобайы сүүйдэ. Бу киһи «Национальная Лотерея» бренд «Мечталлион» диэн флагманскай лотерея биир билиэтин 100 солкуобайга атыыласпыт. Бу туһунан СИА суруйар.

Аҕа дойдуну көмүскээччилэр күннэригэр анаммыт бырааһынньыктааҕы тиражка билиэти оонньуу буолуо ый иннинэ атыыласпыт.

Судаарыстыбаннай лотереялар дааннайдарынан, 2024 сыл икки бастакы ыйыгар Саха сириттэн үс киһи мөлүйүөннүү солкуобайы сүүйбүтэ биллэр.

Быһааран суруйдахха, лотерея билиэтин атыытыттан сороҕо успуорт сайдыытыгар барар. «Мечталлион» лотерея быһа биэриитэ хас өрөбүл ахсын Бастакы ханаалга көстөр.