Дьокуускай олохтооҕо маҕаһыыҥҥа кэтэн көрбүт таҥаһын уорбут

Дьокуускайга полиция отделыгар Чернышевскай уулуссатыгар баар спортивнай маҕаһыынтан таҥас уорбуттарын туһунан иһитиннэрии киирбит. Хоромньу суумата 11 тыһ.солк. тэҥнэспит. 

Полиция үлэһиттэрэ маныаха уорбаланар 37 саастаах олохтоох киһини туппуттар.

СӨ ИДьМ пресс-сулууспата иһитиннэрбитинэн, уорбаланааччы маҕаһыыҥҥа атыылаһааччы быһыытынан сылдьыбыт. Датчига суох бүрүүкээни, сэлиэччиги уонна сылааһы тутар ис таҥаһы кэтэн көрбүт. Ол кэнниттэн ким да кинини кэтээбэтин бэрэбиэркэлээн баран, маҕаһыынтан тахсан барбыт. Уоруллубут төннөрүллүбүт.

«Уоруу» диэн ыстатыйанан холуобунай дьыала тэрилиннэ. Сокуону кэһээччи икки сылга тиийэ көҥүлэ быһыллыан сөп.