СИА хаартыската
Киин куоракка холуобунай ирдэбил үлэһиттэрэ Таилаҥҥа сынньалаҥҥа сымыйанан путевка атыыламмыт хас да түөкүннээһини арыйдылар. Саха сиринээҕи ИДьМ пресс-сулууспата иһитиннэрэринэн, буруйдаах дьахтар урут маннык буруй иһин сууттаммыт. Буруйу оҥорууга 38 саастаах олохтоох дьахтар тутуллубут.
Дьокуускай олохтоохторо Таилаҥҥа сынньалаҥҥа сымыйанан путевканы атыылаабыттарын туһунан полицияҕа 2024 сыл күһүнүттэн тыллаан барбыттар. Кинилэр бары магйынныыр балаһыанньаҕа киирбиттэр: Таилаҥҥа барарга быһаарыммыттар, билэр дьоннорунан «турагентство бэрэстэбиитэлин» туһунан истибиттэр уонна дьахтары кытта мессенджеринэн суруйсубуттар. Ол дьахтар турдары тэрийиинэн дьарыктанарын этэн эрэннэрбит уонна билиэккэ, өҥө оҥорууга харчыны ыытарга көрдөспүт. Түмүгэр үс дьахтар уонна биир эр киһи киниэхэ уопсайа 2,4 мөлүйүөн солкуобай кэриҥэ харчыны ыыппыттар. Ол кэннэ түөкүн дьахтар сибээскэ тахсыбат буолбут.
Быраабы араҥаччылыыр уорганнар кини лиичинэһин быһаарбыттар. Быһаарыллыбытынан, дьахтар дьиҥнээхтии туризм эйгэтигэр үлэлээбит эбит, ол гынан баран хас да сыллааҕыта уурайбыт. Бу туһунан иһитиннэрии урукку килийиэннэригэр тиийбэтэх, онон дьахтар нүөмэрин эрэллээх исписэлиис дии санаан, бэйэ-бэйэлэригэр биэрэ сылдьыбыттар.
Уорбаланааччы бэйэтин тылынан, ылбыт харчыны аска-үөлгэ, арыгыга уонна атын тус наадатыгар туттубут. РФ Холуобунай Кодексын 159-с ыстатыйатын 2-с уонна 3-с чаастарынан («Интернет ситимин туһанан уонна бөдөҥ кээмэйдээхтик оҥоһуллубут түөкүннээһин») холуобунай дьыалалар тэрилиннилэр. Билигин кини ханна да барбат туһунан илии баттааһыннаах олорор.
Полиция эмсэҕэлээбит дьон өссө элбэх буолуон сөп диэн сабаҕалыыр уонна бэрэбиэркэни салгыыр. Маннык дьайыылартан эмсэҕэлээбит Саха сирин олохтоохторун быраабы араҥаччылыыр уорганнарга тахсалларыгар көрдөһөллөр.
Уус Алдан улууһугар Бороҕон -- Танда суолунан айаннаан иһэр дьон икки оҕолоох тайаҕы көрдүлэр. Ыҥаахтар…
Уус Алдаҥҥа РФ үтүөлээх уонна образцовай кэлэктиибэ, Саха хомсомуолун бириэмийэтин лауреата "Кэнчээри" оҕо ырыа-үҥкүү норуодунай…
Бэс ыйын 28-29 күннэригэр Туймаада ыһыаҕа буолаары турар. Ыһыахха бэлэмнэнии туһунан Дьокуускай куорат аҕа баһылыга…
Бильярды таптааччылар ахсааннара элбээн иһэрэ бэлиэтэнэр. Күрэхтэһиигэ оҕотуттан ытык кырдьаҕаһыгар тиийэ, оннооҕор Москваттан кытары кэлэн…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Абитуриеннарга, кинилэр төрөппүттэригэр анаан быйыл орто анал үөрэххэ туттарсыыга уонна тус сыаллаах үөрэххэ аналлаах “Учись…