Дьокуускай олохтооҕо алҕаска киһини өлөрөн буруйданна

Дьокуускай куорат 36 саастаах олохтооҕор холуобунай дьыаланы силиэстийэлээһин түмүктэннэ. Кини алҕаска киһини өлөрүүгэ тиэрдибит ыарахан эт-хаан эчэйиитин соруйан оҥорбутугар буруйданар. Бу туһунан сэтинньи 17 күнүгэр Саха сиринээҕи Силиэстийэлиир кэмитиэтин пресс-сулууспата иһитиннэрдэ.

Силиэстийэ дааннайынан, буруйу балаҕан ыйын 17 күнүн киэһэ Марха түөлбэҕэ оҥорбуттар. Эр киһи доҕорун кытта арыгы иһэ олорон этиспит. Тыл-тылга киирсии түмүгэр арыгыны иһии эмсэҕэлээбити кырбааһыҥҥа кубулуйбут.

«Буруйданар киһи  элбэхтэ илиитинэн, атаҕынан эт-хаан араас чаастарыгар, ол иһигэр төбөтүгэр, иһигэр уонна илиитигэр-атаҕар охсубут. Кырбааһын кэнниттэн эмсэҕэлээбит таһырдьа тахсыбыт, онно сотору буолан баран, ылбыт эчэйиилэриттэн тыына быстыбыт», — диэн СК иһитиннэриитигэр этиллэр. Буруйдуур түмүгүнэн бигэргэтиллибит холуобунай дьыала суут көрүүтүгэр ыытылынна.