Дьокуускай оскуолаларыгар бастакы кылааска 5,5 тыһыынча оҕону ыларга былаанныыллар

Дьокуускай оскуолаларыгар бастакы кылааска 5,5 тыһыынча оҕону ыларга былаанныыллар. Ол курдук, куораттааҕы планеркаҕа этиллибитинэн, бэнидиэнньиккэ, кулун тутар 24 күнүгэр, Дьокуускай оскуолалара саҥа үөрэх дьылыгар 5,5 тыһыынча оҕону бастакы кылааска ылыахтара.

Куорат уһуйааннара 5050 оҕону таһаарыахтара. Өссө сабаҕалааһын быһыытынан 450-ча  оҕо өрөспүүбүлүкэ оройуоннарыттан кэлиэҕэ.

Оҕону киллэриигэ суруйан (черновик) бэлэмнээн кэбиһиэххэ сөп, онтон ылар хампаанньа  саҕаламмытын кэннэ ыытыахха сөп. Черновик сайабылыанньаны түргэнник  ыытарга көмөлөһүөҕэ – оскуолаҕа киирэргэ хаһан ыыппытын учуоттанар.

Сайабылыанньалары ылыы болдьоҕо:

Бэс ыйын 30 күнүгэр диэри  — олорор сиргитинэн оскуолаҕа эбэтэр чэпчэтиинэн туһанар буоллаххытына, атыҥҥа.

От ыйын 6 күнүттэн балаҕан ыйын 5 күнүгэр диэри – аһаҕас миэстэ баар ханнык баҕарар оскуолаҕа.

Ылар туһунан бирикээс сайабылыанньалары ылыы түмүктэммитин кэннэ үс үлэ күнүн устата тахсыаҕа. Ол кэнниттэн тус кэбиниэккитигэр иһитиннэрии кэлиэҕэ.