Хаартыска СӨ Бырабыыталыстыбатын пресс-сулууспатыттан
Кулун тутар 15 күнүттэн Кэлэр көлүөнэ паарката «Битва школьных креативных студий» бырайыагы ыытар. Бырайыакка барыта Дьокуускай оскуолаларын 10 хамаандата кыттар.
Икки ый устата оҕолор креативнай индустрия араас хайысхатынан (хаартыска, видео, суруналыыстыка, графический дизайн уонна анимация) күрэхтэһэллэр. Бу кэмҥэ кыттааччылар воркшоптарга, маастар-кылаастарга кытыннылар, медиа эйгэтигэр биллиилээх эспиэрдэри кытары көрүстүлэр, онтон даҕаны атын оҕону сайыннарар тэрээһиннэргэ кытыннылар.
Билиҥҥитэ үөрэнээччилэр бэйэлэрэ таһаарбыт үс сурунаалларын туһунан кэпсээтилэр, ону таһынан оскуола докумуонун хайдах көрөллөрүн көрдөрдүлэр. Билигин Кэлэр көлүөнэ пааркатын телеграмм-ханаалыгар бастыҥ хаартысканы талыы куоластааһына бара турар.
Саха Өрөспүүбүлүкэтин күнүгэр видеону оҥоруу куонкурсун бүтэһик түһүмэҕэ уонна кыайыылаахтары эҕэрдэлээһин үөрүүлээх сиэр-туома буолуоҕа. Бары түһүмэххэ кыайбыт хамаанда 100 тыһыынча солкуобай суумалаах оскуолаҕа оборудованиены ылыыга сэртипикээтинэн наҕараадаланыаҕа. Бу креативнай эйгэҕэ салгыы сайдалларыгар сүҥкэн өйөбүл буолуо.
Тэрээһин Кэлэр көлүөнэлэр тус сыаллаах пуондаларынан уонна АЛРОСА хампаанньатын өйөбүллэринэн ыытыллар. Үөрэх бырайыагын партнердарынан «Медиа-оскуола» уонна Фотографтар, видео-оператордар уонна медиаускуустуба, медиаиндустрия эйгэтин исписэлиистэрин түмсүүлэрэ буоллаллар.
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…
Сааскы халаантан бу күннэргэ Нам уонна Өлүөхүмэ улуустара эмсэҕэлээтилэр. Баартыйа эрэгийиэннээҕи салаатын исполкомун салайааччыта Сулустаан…