Дьокуускай оскуолатыгар миинэ уурбуттарын туһунан иһитиннэрии киирдэ

Бүгүн, алтынньы 12 күнүн сарсыардатыгар Дьокуускай куорат 5-с №-дээх оскуолатыгар миинэ ууруллубутун туһунан иһитиннэрии быраабы араҥаччылыыр уорганнарга киирбит. Тустаах исписэлиистэр тута миэстэтигэр тиийэн сөптөөх үлэни ыыттылар. 

Оскуола дириэктэрэ Алексей Семенов иһитиннэрбитинэн, оскуола электроннай аадырыһыгар миинэ ууруллубутун туһунан сурук кэлбит. Онуоха оскуола салалтата тута «Росгвардияҕа» эрийэн биллэрбит. Билигин оскуолаҕа кинологтар үлэлии сылдьаллар.

Бастакы симиэнэҕэ үөрэнэр оҕолору дьиэлэригэр ыыталаабыттар. Иккис симиэнэнэн үөрэнэр оҕолор оскуолаҕа кэлэн үөрэниэхтэрэ диэн дириэктэр Алексей Семенов этэр.

Хаартыска интернет ситимиттэн туһанылынна.