Дьокуускай полигонугар эр киһини өлөрбүт уорбаланааччыны 9 сылга көҥүлүн быстылар

Дьокуускай куорат борокуратуурата 43 саастаах олохтооҕо холуобунай дьыалатын судаарыстыбаннай буруйдааһынын өйөөтө. Кини киһини өлөрүүгэ уонна баан счетуттан улаха суума харчыны уорууга уорбаланар.

Суут быһаарыытынан, 2010 сыл ыам ыйыгар сууттанааччы куорат полигонугар итирик туруктаах сылдьан эр киһини түөскэ быһаҕынан иккитэ анньыбыт. Эмсэҕэлээбит эр киһи ылбыт эчэйиититтэн быһылаан тахсыбыт сиригэр тутатына өлбүт.

Салгыы 2023 сыл ахсынньытыгар уонна 2024 сыл тохсунньутугар буруйданааччы «Сбербанк Онлайн» сыһыарыынан туһанан баан счетуттан харчыны уорбут. Уопсайа 67 686 солк. сууманы ороскуоттаабыт.

Суут судаарыстыбаннай буруйдааччы этиитин учуоттаан, эр киһини 9 сылга кытаанах эрэсиимнээх холуонньаҕа көҥүлүн быһарга бириигэбэрдээтэ. Бириигэбэр сокуоннай күүһүгэр киирэ илик диэн СӨ Борокутууратын пресс-сулууспата суруйар.