Дьокуускай саамай үрдүк чыпчаалыгар Арассыыйа былааҕа тэлимнээтэ

Бэс ыйын 12 күнүгэр Дьокуускай куорат саамай үрдүк чыпчаалыгар — ГРЭС-2 былаһааккатыгар үөрүүлээх быһыыга-майгыга дойду сүрүн бэлиэтин – Арассыыйа триколорун көтөхтүлэр.

Былааҕы көтөҕүү дойду биир сомоҕо буолуу, киэн туттуу, ону тэҥэ Арассыыйа чэчирии сайдарыгар кылааттарын киллэрбит дьоҥҥо барҕа махтал бэлиэтинэн буолар.

Тэрээһин кыттыылаахтарын СӨ ОДьКХ миниистирэ Вячеслав Емельянов, Ыччат дьыалаларыгар уонна социальнай коммуникацияларга миниистирин солбуйааччы Надежда Мохначевская, Дьокуускайдааҕы судаарыстыбаннай электрическэй ыстаансыйа (ЯГРЭС) дириэктэрэ Андрей Плахин эҕэрдэлээтилэр.