Хаартысканы Марта Николаева тиксэрдэ.
Бүгүн, муус устар 17 күнүгэр, Дьокуускай куорат саамай сахалыы оскуолатыгар Оһуокай күрэҕэ үрдүк таһымнаахтык буолан ааста. Ол курдук, Дьокуускай куорат 2-c нүөмэрдээх орто оскуолатыгар Оһуокай өрөспүүбүлүкэтээҕи түмсүүтүн үтүөлээх этээччитэ Мария Марковна Иванова фольклор, хомус салаатыгар ситиһиилээхтик үлэлии сылдьар. Кини бырайыагынан уонна Оһуокай түмсүү өйөбүлүнэн алын кылаас үөрэнээччилэригэр Оһуокай күрэҕэ үрдүк таһымнаахтык ыытылынна. Түөрт кылаас оҕолоро күрэххэ тэрээһиннээхтик кытыннылар.
Оҕолор хаамыыларын, түһүлгэни тутууларын, тылларын-өстөрүн олус сэргээтибит. 11 үөрэнээччи күрэххэ кыттыбытыттан, биэһэ — уол. Тойон сүбэҕэ Оһуокай түмсүү этээччилэрэ кэлэн сыаналаатылар уонна оҕолор Оһуокайга хаамыыларын, дьүһүүйүлэрин олус астыннылар. Үтүөлээх этээччибит Мария Марковна оҕолору кытары утумнаахтык үлэлии сылдьарын биһирээтибит. Күрэх түмүгүнэн Малина Михайловна Олесова салайар үһүс б кылааһын оҕолоро кылаан кыайыылаахтар ааттарын ыллылар. «Киин» киинэ тыйаатырын дириэктэрэ, Оһуокай өрөспүүбүлүкэтээҕи түмсүү салайааччыта Александр Джурович Данилов-Дьулуур Хаан кыайыылаах кылаан кылааска босхо киинэҕэ сылдьалларыгар сэртипикээт туттарда. Оскуола салалтата, дириэктэр В.М.Владимиров кылаан кыайыылаахтарга тэрээһиҥҥэ тутталларыгар колонка бэлэхтээтэ. Бастакы миэстэни төрдүс в кылаас үөрэнээччитэ Олег Винокуров, иккис миэстэни төрдүс а кылаастан Сандал Мартынов, үсүһү төрдүс в кылаастан Уля Егорова ыллылар. Маны сэргэ анал ааттары этээччилэргэ туттардылар. Сүрүн бириистэри Оһуокай өрөспүүбүлүкэтээҕи түмсүүтэ уонна оскуола салалтата туруордулар.
Сахалыы куттаах оҕолор оһуокайдарыттан олус астынныбыт уонна учууталлара, Саха сирин үтүөлээх этээччитэ Мария Марковна Ивановаҕа түмсүү аатыттан айымньылаах үлэтигэр ситиһиилэри баҕарабыт.
Марта Николаева.
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…
Бэҕэһээ, ахсынньы 28 күнүгэр 22:18 чааска «Восточный космодромтан «Союз-2.1б» аракыата көппүтэ. «Союз-2.1б» көтөр кэмигэр Саха…
Бу өрөбүлгэ «Восточнай» космодромтан «Союз-2.1б» аракыата көппүтэ. Бүлүү улууһун Үгүлээтигэр быыһааччылар бөлөхтөрө "Роскосмос" үлэһиттэрин кытта…