Үҥкүү успуордун федерациятын хаартыската.
Дьокуускай куорат саамай улахан оскуолатыгар, 39-с №-дээх оскуолатыгар уус-уран гимнастиканан дьарыктанарга аналлаах саҥа саала аһылынна. Саха Өрөспүүбүлүкэтин уус-уран гимнастикаҕа федерациятын бэрэсидьиэнэ Людмила Николаева саалаҕа эрчиллии хайдах барарын көрдө, эдэр гимнасткалары, тириэньэрдэри, оскуола салалтатын кытта көрүстэ.
Саҥа саала аһыллыыта успуорт бу көрүҥэ өрөспүүбүлүкэҕэ сайдарыгар саҥа үктэл буолар. Манна дьарыктанарга анаммыт көбүөрдэр, помуостар бааллар. Түргэнник таҥыллар уонна хомуллар былаһааккаҕа Евгения Павлова дьарыктыыр «Бриллианты Туймаады» спортивнай кулуубун кыргыттара эрчиллиэхтэрэ.
Людмила Николаева «Бриллианты Туймаады» кыргыттара бу саалаҕа бастакы дьарыктарын көрдө, саҥа оскуола баазатыгар успуорт эстетическэй көрүҥнэрин сайыннарар туһунан дириэктэр Мария Прокопьеваны кытта кэпсэттэ. Людмила Валерьевна уус-уран гимнастиканан дьарыктанар оҕо ахсаанын элбэтэргэ федерация инники былааннарын үллэһиннэ. Ол туһуттан тустаах федерация оскуолалары уонна оскуола иннинээҕи тэрилтэлэри кытта бииргэ үлэлээн саҕалаабыт. Оҕо бу көрүҥнэргэ ситиһиилээх буоларын туһуттан 3-4 сааһыттан саҕалаан дьарыктаныахтаах.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…