Дьокуускай сыбаалкатыгар уот турда

Бүгүн сарсыардаттан Дьокуускай куорат сыбаалкатыгар баһаар турбутун умуруорар үлэлэр бараллар.

Ол туһунан Дьокуускай куорат дьаһалтатын пресс-сулууспата иһитиннэрэр.

Куорат кытаанах коммунальнай тобоҕун, бөҕүн-саҕын полигонугар бүгүн сарсыарда баһаар турбута бэлиэтэммит.

Баһаары умуруорууга бульдозердар, погрузчиктар, самосвал тиэхиньикэлэрэ, водовозкалар, ону таһынан баһаары утары сулууспа үлэлии сылдьаллар. Уот турбут сирин кумаҕынан кутан эргитэллэр, уу куталлар.