Хаартыска sakha.gov.ru ылылынна
Дьокуускай таһынааҕы суолу-ииһи болдьоҕун иннинэ өрөмүөннээн бүтэриэхтэрэ.
Былаан быһыытынан 2024 сылга түмүктүөхтээхтэр этэ. Үлэ «Куттала суох хаачыстыбалаах суоллар» национальнай бырайыак иитинэн ыытыллар.
Бүгүн үлэ-хамнас хайдах салҕанан иһэрин Ил Дархан көрдө-иһиттэ. Сыырдаахха 1,434 м уһуннаах Кымньыылаах уонна Первомайскай, Тулагыга уопсайа 1,473 м. Совхознай уонна Строительнай уулуссаларга сырытта.
—Куорат таһын олохтоохторун сүрүн көрдөһүүлэрэ — инфраструктураны сайыннарыы. Бу уулусса эрэ өрөмүөннэнэрэ буолбатах, манна уот-күөс, оптуобус сырыыта эмиэ киирэр. Балары быһаарыахпыт«, — диир Ил Дархан Айсен Николаев.
Маны таһынан, кини «Сатал» СОТ таһыгар баар Севернай түөлбэҕэ суол өрөмүөнүн көрдө. Урут манна элбэх оҕолоох ыалларга учаастактар бэриллибиттэригэр, кинилэр манна суолу-ииһи оҥорор туһунан хаста да туруорсубуттар. 2019 сыллаахха «Куттала суох хаачыстыбалаах суоллар» национальнай бырайыагынан дьон олорор түөлбэтигэр 6,5 км суолга таас-кумах булкадаһыга кутуллубут. Үлэни салгыыр былааннаахтар.
Санатан эттэххэ, Дьокуускайга 22 км тахса суолу-ииһи өрөмүөннүүр туһунан былаан ылыныллыбыта, онно 2,3 млрд солк. үп көрүллүбүтэ. Оттон казначейскай кирэдьиит көмөтүнэн, 30 км кэриҥэ суол оҥоһуллан киириэ. Тулагы-Киллэмҥэ эбийиэктэри таһынан, Марха микрооройуонугар уулусса, Табаҕаҕа Комсомол уонна Строительнай уулуссалар, о.д.а. былааннаналлар.
Сиһилии https://www.sakha.gov.ru/news/front/view/id/3365422 киирэн көрүҥ.
СӨ Ил Дархан уонна Бырабыыталыстыба пресс-сулууспата
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…