Дьокуускай уонна Горнай улууһун баһылыктара сөбүлэҥ түһэристилэр

Горнай өрөспүүбүлүкэ улуустарыттан биир балысханнык сайдан иһэр улууһунан буолар.

Бииртэн биир сонун сүүрээннэри тобулар улуус салалтата муус устар 19 күнүгэр Дьокуускай куораты кытта бииргэ үлэлиир кэккэ бырайыагы толкуйдаабытын олоххо киллэрэр соруктаах доукумуоҥҥа илии баттыыр сиэри-туому толордо. Дьокуускай куорат Аҕа баһылыга Евгений Григорьев уонна  «Горнай улууһа» МТ баһылыга Никита Андреев 5 сыл бииргэ үлэлиир болдьохтоох сөбүлэҥи түһэристилэр.

“Биһиги Горнай улууһун кытта олоххо киллэрэр бырайыакпыт үгүс. Онон бу сөбүлэҥ сайдыы туһугар саҥа саҕахтарга сирдиэҕэ”, — диэн бэлиэтээтэ Евгений Григорьев.