Хаартыска: Sakhagov
Дьокуускай уонна Нижнекамскай куораттар доҕордуу сыһыаны олохтуур туһунан меморандуму түһэристилэр. Татарстааннааҕы ньиэп-гаас-химия пуорумугар докумуоҥҥа Саха сирин киин куоратын баһылыга Евгений Григорьев уонна Татарстаан Өрөспүүбүлүкэтин Нижнекамскай муниципальнай оройуонун толорор кэмитиэтин салайааччыта Радмир Беляев илии баттаатылар.
Үөрүүлээх быһыыга-майгыга СӨ Ил Дархана Айсен Николаев уонна Татарстаан Өрөспүүбүлүкэтин Раиһа Рустам Минниханов кытыннылар. «Бу сайын Дьокуускайга үбүлүөйдээх XXV Федеральнай Сабантуй үрдүк таһымнаахтык ааста, уонча тыһыынча ыалдьыты түмтэ, доҕордоһуу уонна өйдөһүү дьиҥнээх бэлиэтэ буолла. Бу бырааһынньык көмөтүнэн Дьокуускай куорат уонна Нижнекамскай муниципальнай оройуон дэлэгээссийэлэрин икки ардыларыгар таһаарыылаах кэпсэтии буолла, ол түмүгүнэн икки өрүттээх сибээһи сайыннарар туһунан быһаарыы ылыллыбыта.
Бүгүн бу үлэ Дьокуускай уонна Нижнекамскай икки ардыларыгар доҕордуу сыһыаны олохтуур туһунан меморандуму түһэрсиигэ тиэртэ. Саҥа сөбүлэһиилэр биһиги бииргэ үлэлээһиммитигэр эбии күүһү биэриэхтэрэ уонна Саха сирин уонна Татарстаан олохтоохторугар биллэр-көстөр туһаны аҕалыахтара диэн эрэнэбин», – диэн Айсен Николаев бэлиэтээтэ.
Илии баттаммыт меморандум Дьокуускай уонна Нижнекамскай икки ардыларыгар эргиэн уонна экэниэмикэ, култуура, үөрэх, бырамыысыланнас, логистика уонна туризм курдук сүрүн эйгэлэргэ бииргэ үлэлээһиҥҥэ саҥа кыахтары арыйар. Ону таһынан, икки эрэгийиэн икки ардыларынааҕы сибээһи бөҕөргөтүүгэ туһуламмыт бииргэ оҥорор инвестиционнай уонна социальнай бырайыактары олоххо киллэрии былааннанар. Икки өрүттэр икки ардыларыгар барыстаах түмүктэри ситиһэр туһугар эрэгийиэннээҕи уонна федеральнай таһымнаах судаарыстыбаннай былаас уорганнарын кытта көхтөөхтүк бииргэ үлэлэһэргэ бэлэмнэрин биллэрдилэр. Бу бииргэ үлэлээһин доҕордуу сыһыаны сайыннарыыга уонна эрэгийиэннэр икки ардыларынааҕы сибээстэри бөҕөргөтүүгэ суолталаах хардыынан буолуоҕа.
Саха сиринээҕи Гидрометеосулууспа билгэтинэн, өрөспүүбүлүкэҕэ кыралаан хаардыыр, оттон хотугулуу-илин, соҕуруу улуустарга хаар түһэрэ күүтүллэр. Сиккиэр…
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…