Хаартыска: Ил Дарха уонна СӨ Бырабыыталыстыбатын пресс-сулууспата.
Дьокууускай уонна Нижнекамскай куораттар бырааттыы, доҕордуу сыһыаҥҥа, сибээһи ыкса тутарга меморандумҥа илии баттастастылар.
Татарстаннааҕы нефтехимическэй пуорум чэрчитинэн суолталаах докумуоҥҥа Саха сирин киин куоратын баһылыга Евгений Григорьев уонна Нижнекамскай муниципальнай оройуонун толорооччу кэмитиэтин салайааччыта Радмир Беляев илии баттаатылар.
Үөрүүлээх тэрээһиҥҥэ Ил Дархан Айсен Николаев уонна Татарстан Өрөспүүбүлүкэтин раиһа Рустам Минниханов кытыннылар.
“Быйыл сайын уонунан тыһыынча ыалдьыты түмэн, доҕордоһуу, бэйэ-бэйэни өйдөһүү дьиҥнээх бэлиэтинэн буолбут үбүлүөйдээх XXV Федеральнай Сабантуй Дьокуускайга умнуллубаттык ыытыллыбыта. Бу бырааһынньык көмөтүнэн Дьокуускай куорат уонна Нижнекамскай муниципальнай оройуон дэлэгээссийэлэрин икки ардыларыгар туһалаах кэпсэтии тахсыбыта. Ол онно икки өрүттээх сибээһи сайыннарар туһунан быһаарыы ылыллыбыта. Бүгүн Дьокуускай уонна Нижнекамскай икки ардыларыгар бырааттыы сыһыаннаһыылары олохтооһун туһунан Меморандумҥа илии баттааһын биһиги бииргэ үлэлээһиммитигэр сайдар суолу саҕыаҕа. Итиэннэ эрэгийиэннэр ситимнэрин бөҕөргөтөргө туһуламмыт холбоһуктаах инвестиционнай-социальнай бырайыактары олоххо киллэриигэ өйөбүлүнэн буолуоҕа”, — диэн бэлиэтээтэ Ил Дархан Айсен Николаев.
Меморандумҥа илии баттаһыы бииргэ үлэлээһиҥҥэ доҕордуу сыһыаны сайыннарыыга уонна эрэгийиэннэр икки ардыларынааҕы сибээһи бөҕөргөтүүгэ улахан суолталаах хардыынан буолуоҕа.
Сиһилии бу сигэнэн билсиэххэ сөп: https://www.sakha.gov.ru/news/1066
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…