Хаартыска: yakutskcity.ru
Дьокуускайга «Азия оҕолоро» норуоттар икки ардыларынааҕы успуорт оонньууларын көрсө Туймаада туонатын көҕөрдүүгэ улахан бырайыак үлэлиир.
Билигин киин куорат үрдүнэн күргүөмүнэн көҕөрдүү үлэтэ ыытылларын туһунан Дьокуускай куорат баһылыгын сүбэһитэ, дендролог Екатерина Павлова кэпсээтэ.
«»Азия оҕолоро» оонньууларга бэлэмнэнии чэрчитинэн Ильмен уонна Пирогов ааттарынан уулуссалары көҕөрдүү үлэтэ барар. «Зеленый рай» хампаанньа бэдэрээччит Ильменскэй аатынан уулуссаҕа үлэтин түмүктээтэ уонна Пирогов аатынан уулуссаҕа салгыаҕа. Бэдэрээччит мас уонна сибэкки олордуутун ыытар. Икки уулуссанан 700-чэ үүнээйи олордуллар, ол иһигэр дьаабылака маһа, араҕас карагана, даурскай боярышник, венгерскай сирень уонна сибиир рябината. Маһы олордон баран, Дьокуускай болуоссаттарынан сибэкки арассаадатын олордобут. Маннык улахан олордуу үлэтэ былаанынан салгыы аны күһүн ыытыллыаҕа», — диэтэ Екатерина Павлова.
«Зеленый рай» экологическай хампаанньаны кытта көҕөрдүүгэ уонна үүнээйилэри көрүүгэ-истиигэ үс сылга хантараак түһэрсиллибитэ. Хампаанньа дириэктэрэ Анна Тихонова бу иннинэ ыам ыйыгар Ильмен аатынан уулуссаҕа 600-кэ мас олордубуттарын туһунан санатта.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…