Дьокуускай уунан туолбут уулуссаларыгар 21 тиэхиньикэ үлэлээтэ

Муус устар 16 күнүнээҕи туругунан, Дьокуускайга «Жилкомсервис» тэрилтэ дьиэлэр тиэргэннэриттэн 600 куб. м. ууну оботторбутун туһунан иһитиннэрэр. Кулун тутар 28 күнүттэн барыта 1610 куб.м. ууну хачайдаабыт. Ааспыт сууккаҕа куорат үрдүнэн уопсайа 12 тиэхиньикэ ууну хачайдааһыҥҥа үлэлээтэ.

Куорат хаһаайыстыбатын көрөр-истэр сулууспа иһитиннэрбитинэн, бэҕэһээ, муус устар 17 күнүгэр, 21  тиэхиньикэ, 25 оробуочай куорат уулуссаларыттан ууну хачайдааһыҥҥа үлэлэлээбиттэр. Бүгүҥҥү туругунан, үлэ хаамыыта хаалааһына суох этэҥҥэ баран иһэр диэн Дьокуускай куорат дьаһалтатын пресс-сулууспата иһитиннэрэр.

Ити кэмҥэ Киров уулуссатыгар тыылаах киһи, ону сэргэ буутугар диэри ууга түспүт оҕону хаартыскаҕа түһэрэн социальнай ситимҥэ тарҕаппыттара.