Хаартыска:: Е.Кривошапкин.
Кулун тутар 13-14 күннэригэр Күн «тыала» күүһүрэн, Сиргэ орто бааллаах магнитнай буурҕа түспүтэ. Ол түмүгэр хоту улуустарга, Саха сирин арҕаа, киин өттүгэр, бэл диэтэр, Дьокуускай куорат үрдүнэн дьүкээбил уота суһумнаабыта.
Күн астрономията иһитиннэрбитинэн, магнитнай буурҕа баала G2 диэн буолбута, ол эбэтэр, орто күүстээх буурҕаҕа тэҥнэһэр. Күн корональнай дьөлөҕөһүттэн кэлэр «тыалын» түргэнэ 500-600 км/сөк. тэҥнэспитэ. Күн плазмата өтөн киирэн, Сир магнитосферата иитиллибит «частицаларынан» туолан, элэктэриичэстибэни аһардыыта күүһүрбүтэ, онон халлааҥҥа дьүкээбиллэр суһумнаабыттара.
Дьокуускайга Күөх Хонуу үрдүнэн көҕөрүмтүйэн көстөр дьүкээбил уотун Е.Кривошапкин хаартыскаҕа хатаабыта. Төһө да куорат чаҕылхай уоттара мэһэйдээтэллэр, дьүкээбил үчүгэйдик көстөр.
Оттон «Өлүөнэ очуостара» национальнай паарка үрдүнэн бэрт сырдыктык суһумнаабытын, кэрэ көстүүнү хаартыскаҕа түһэрбиттэр. Дьиҥэ, Саха сирин киин өттүгэр дьүкээбил сэдэхтик көстөр.
Билигин Күҥҥэ улахан эстиилэр буолбаттар, корональнай дьөлөҕөстөр бааллар. Кулун тутар 17 күнүгэр Сир магнитнай хонуута чуумпу.
Ол эрээри, кулун тутар 15 күнүгэр Саха сирин соҕуруу өттүгэр 15 килэмиэтирдээх дириҥҥэ 4 бааллаах сир хамсааһына буолбута. Бу иннинэ, кулун тутар 12 күнүгэр Өлүөхүмэ улууһугар 4 бааллаах, олунньу 8, 11 күннэригэр Муома улууһугар 6 бааллаах сир хамсааһыннара бэлиэтэммиттэрэ. Онон Сирбит эмиэ тоҕо эрэ «долгуйар».
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…