Дьокуускай Ырыа күнүн «Кыайыыга кынаттабыт ырыалар» кэнсиэринэн бэлиэтиэ

Саха сиригэр ыам ыйын 21 күнүгэр куорат, сэлиэнньэлэр сүрүн болуоссаттарыгар, култуура тэрилтэлэригэр норуоттар тылларынан араас ырыалары толоруохтара.

Дьокуускайга Орджоникидзе аатынан болуоссакка киэһэ 18.00-19.30 чаастан Улуу Кыайыы 80 сылыгар анаммыт «Кыайыыга кынаттабыт ырыалар» бырааһынньыктааҕы кэнсиэр буолуоҕа. Ол чэрчитинэн ырыа ускуустубатын уобалаһыгар Ил Дархан бириэмийэтин туттарыы сиэр-туома ыытыллар.

Кэнсиэр бырагырааматыгар Опера уонна балет, эстрада тыйаатырын артыыстара уонна хордара, «Туймаада» судаарыстыбаннай вокальнай ансаамбыл, ону тэҥэ СӨ култууратын управлениета,

Дьокуускай куорат култууратын уонна ускуустуба кэллиэһэ, о.д.а. тэрилтэлэр кэлэктииптэрэ кыттыыны ылыахтара. Тэрээһин «Үрүҥ түүн» гитаранан ырыа толоруутун бэстибээлинэн түмүктэниэ.

Ырыа күнэ Ил Дархан Айсен Николаев Ыйааҕынан 2022 сыллаахтан бэлиэтэнэр.