Дьокуускай үс олохтооҕо ийэ хапытаалын сэртипикээттэрин сокуоннайа суох туһаммыттар

Дьокуускай  куорат үс олохтооҕо ийэ хапытаалын үбүн-харчытын ылыыга түөкүннээһиҥҥэ буруйданаллар.

Кинилэри буруйдуур дьыалаларын, СӨ Борокуратууратын пресс-сулууспата иһитиннэрбиттэринэн, суут көрүүтүгэр ыыппыттар.

Силиэстийэ быһаарыытынан, кирэдьиит кэпэрэтиибин үлэһиттэрин кытта буруйдаахтар 2018 сылтан 2020 сылга диэри ийэ хапытаалын үбүн-харчытын устан ылан сокуоннайа суох туһаммыттар. Түөкүттэр дьайыыларын түмүгэр РФ бүддьүөтүгэр 3 мөл. солк. тахса суумалаах хоромньу тахсыбыт.

Буруйданааччылар ийэ хапытаалын харчытын устан ыларга  көмө уонна өҥө оҥороллорун туһунан биллэрии таһаарбыттар. Баҕалаах дьону кытта сымыйа дуогабардары түһэрсибиттэр. Ол кэннэ Социальнай пуондаҕа сымыйа докумуоннары туттарбыттар. Харчыны сорох чааһын төлөбүр быһыытынан бэйэлэрин тус наадатыгар хаалларыммыттар. Кинилэр өҥөлөрүнэн алта куорат олохтооҕо туһаммыт.