«Дьокуускай-Жатай-Дьокуускай» хайысханан оптуобус сырыыта

2025 сыл тохсунньу саҥатыттан «Дьокуускай-Жатай-Дьокуускай» хайысханан билигин сылдьар  109, 111  №-дээх оптуобустар оннуларыгар 209 уонна 211 №-дээх оптуобустар сылдьар буолуохтара.

Араспысаанньа уонна айан-сырыы оннунан хаалар. Бу туһунан СӨ тырааныспарга уонна суол хаһаайыстыбатыгар министиэристибэтэ иһитиннэрэр.

Маны сэргэ, тохсунньу 1 күнүттэн 209 №-дээх оптуобуска 107 №-дээх оптуобус маршрута эбиллэн биэрэр.

Дьокуускай автовокзалыттан «Жатай» ГО диэри айан төлөбүрүн сыаната уонна тохтобул ахсаана оннунан хаалар диэн иһитиннэрэллэр.

Оттон ахсынньы 30-31 күннэригэр 109, 111 № оптуобустар айаннарын-сырыыларын манна киирэн сиһилии көрүөххүтүн сөп: https://www.sakha.gov.ru/news/front/view/id/3479262

СӨ Ил Дарханын уонна Бырабыыталыстыбатын пресс-сулууспата