Дьокуускай-Аллараа Бэстээх хайысханан сылдьар паром массыынаны киллэрэр платформата алдьанна

Дьокуускай — Аллараа Бэстээх хайысханан сылдьар СК-2022 паром суудунаҕа массыыналары киллэрэр платформата (аппарель) алдьаммытын туһунан СӨ Тырааныспарга уонна суол хаһаайыстыбатыгар министиэристибэтэ иһитиннэрэр.

Аппарель бэҕэһээ, балаҕан ыйын 4 күнүгэр, 23:00 чааска торуос быстыытыгар алдьаммыт.

«Пассажирдар, массыыналар эчэйбэтилэр. Суһаллык пассажирдары таһаартаабыттар. Бүгүн аппарели туруорбуттар, массыыналары таһаартыы сылдьаллар. Паром өрөмүөннэниэҕэ», — диэн министиэристибэ иһитиннэрэр.