Хаартыска: Үөрэх, билим министиэристибэтин саайтыттан.
Ю.А.Готовцев аатынан Дьокуускайдааҕы өҥө технологическай тиэхиньикума уонна Казахстан Өрөспүүбүлүкэтин Астана куоратын Казахстаннааҕы потребительскай сойуус үрдүкү кэллиэһэ норуоттар икки ардыларынааҕы бииргэ үлэлэһиини сайыннарар соруктаах сөбүлэҥ түһэристилэр.
Сөбүлэҥ, үөрэх тэрилтэлэрэ инновационнай педагогическай уонна иһитиннэрэр-коммуникационнай технологияны туһаныыга уопут атастаһар, идэҕэ уонна эбии үөрэхтээһин эйгэтигэр бииргэ үлэлэһэр, кыттыгас тэрээһиннэри, билим кэмпириэнсийэлэрин, идэ күөн күрэстэрин, устудьуоннар бэстибээллэрин ыытар, билим-чинчийэр үлэҕэ ыстатыйалары таһаартарар, бырайыактары, “төгүрүк остуоллары”, сэминээрдэри тэрийэр соруктаах.
Үөрэх уонна билим миниистирин бастакы солбуйааччы Михаил Присяжнай сөбүлэҥ, Саха сирэ уонна Казахстан бииргэ үлэлэһиилэрэ көхтөөхтүк сайдарын, Арассыыйа уонна Казахстан икки ардыларынааҕы сибээһи бөҕөргөтөргө, икки дойду уопсай култууратын, экэниэмикэтин байытарга улахан суолталааҕын бэлиэтээтэ.
Казахстаннааҕы потребительскай сойуус үрдүкү кэллиэһин дириэктэрэ Мирзабек Турабекович Кужимов кылгастык кэллиэс үлэтин-хамнаһын билиһиннэрдэ уонна бииргэ үлэлэһиигэ бэйэтин көрүүтүн эттэ. ЮА.Готовцев аатынан Дьокуускайдааҕы өҥө технологическай тиэхиньикумун үлэтин хайысхатын туһунан дириэктэр Галина Федоровна Солдатова кэпсээтэ.
Бииргэ үлэлэһэр туһунан илии баттаһыы, бу хардарыта үлэни бөҕөргөтөргө суолталаах хардыынан буолар. Бу устудьуоннарга, преподавателлэргэ элбэх кыаҕы биэрэригэр, билиини, уопуту атастаһарга бигэ тирэҕинэн буоларыгар эрэллээхпит. Бу туһунан Үөрэх уонна билим министиэристибэтэ иһитиннэрэр.
Алдан улууһун борокуратуурата сокуону кэһэн азартнай оонньуулары тэрийиигэ уонна ыытыыга буруйданар улуус икки олохтооҕун утары…
Дьокуускай куорат дьаһалтатыгар "Кыһын Саха сириттэн саҕаланар" өрөспүүбүлүкэтээҕи бэстибээл тэрийэр хамыыһыйатын мунньаҕа буолла. Мунньаҕы куорат…
Муома улууһун Кустуур сэлиэнньэтигэр сэтинньи 6 күнүгэр И.Н. Слепцов аатынан агро-оскуола «Уйа» бырайыагын чэрчитинэн тутуллубут…
Дьокуускайга А.С. Пушкин аатынан Нуучча тыйаатырыгар Сергей Прачев «Солнце Земли Православной» диэн поэтическай сэһэнинэн «Александр…
Бүгүн, сэтинньи 7 күнүгэр, Саха сирэ Социалистическай Үлэ Дьоруойа, ССРС үтүөлээх лүөччүгэ, Ленин, Үлэ Кыһыл…
Арассыыйаҕа эмп сэртипикээтин киллэрэр туһунан сокуон бырайыагын Госдуума көрүүтүгэр киллэрдилэр. Бу быһа холуйан ыйга 4500…