Дьокуускайдааҕы епархияҕа сахалыы Библия тиэрминнэрин быһаарыылаах богословскай тылдьытын бэлэмнииллэр

От ыйын 8 күнүгэр Дьокуускай уонна Ленскэй архиепискоба Роман Дьокуускайдааҕы епархия тылбаас отделын үлэтин мунньаҕын ыытта.

Көрсүһүүгэ Дьокуускайдааҕы епархия сэкирэтээрэ иеромонах Никандр (Горбатюк), епархия тылбаас отделын салайааччыта Саргылана Леонтьева уонна епархия иһитиннэрэр-биллэрэр отделын салайааччытын солбуйааччы А. Гренадерова кытыннылар.

Саргылана Леонтьева архиерейга сахалыы Библия тиэрминнэрин быһаарыылаах богословскай тылдьытын бэчээккэ бэлэмнээһин үлэтэ бара турарын туһунан иһитиннэрдэ. Маннык таһаарыы Дьокуускайдааҕы епархия историятыгар, ону таһынан Арассыыйа аныгы лингвистикатыгар уопсайынан, бастакынан буолуоҕа.

Сахалыы Библия тиэрминнэрин быһаарыылаах богословскай тылдьытын оҥоруу бырайыага Библияны тылбаастыыр Институт патронаһынан олоххо киирэр, диэн «Никандр» ТГ-ханаала иһитиннэрэр.