Дьокуускайдааҕы ГРЭС гаас турбинатын хапытаалынай өрөмүөнэ саҕаланна

Дьокуускайдааҕы ГРЭС энергиянан хааччыйыыны тупсарыыга 8 №-дээх гаас турбинатын хапытаалынай өрөмүөнэ саҕаланна.

Бу үлэ кэмигэр кыамталаах резервэлэр оҥоһулуннулар, диэн «Якутскэнерго» ААУо пресс-сулууспатыгар иһитиннэрдилэр.

Испиэлиистэр термонапряженнай элеменнэрин уларытыахтара, ону тэҥэ билиҥҥи харгыстары туоратыахтара. Бу гаас турбинатын установкаларын үлэлэрин ресурсатын улаатыннарыаҕа уонна саахалланар тохтобулларын намтатыаҕа диэн тэрилтэҕэ бэлиэтээтилэр.

Өрөмүөн сыллааҕы кыраапыгынан «Теплоэнергосервис» производственнай киин инженердэрин уонна исписэлиистэрин күүстэринэн ыытыллар. Үлэни ыам ыйын бүтүөр диэри бүтэрэр былааннаахтар. ГРЭС эрэгийэн нэһилиэнньэтин 55%-наын уотунан уонна Дьокуускай куораты ититиинэн хааччыйар. Хапытаалынай өрөмүөн Русгидро стратегиятын хайысхата.

«Биһиги өрөмүөн хампаанньатын тэрийиигэ кэлим сыһыаны олохтуубут. Ити тэхиниичэскэй сөргүтүү эрэ буолбакка, ыстаансыйа үлэтигэр эмиэ саҥа кылааты киллэрэр. Биһиги кыһамньыбытыгар Саха сирин олохтоохторо харгыстары көрсүбэттэрин туһугар үлэлиибит», — диэн ГРЭС кылаабынай инженерэ Николай Аммосов бэлиэтээтэ.