Аҕыйах хонуктааҕыта Москваҕа үтүө үгэскэ кубулуйбут Норуоттар икки ардыларынааҕы кадеттер VII бааллара буолан ааста. Манна сыллата дойду араас муннугуттан кадеттар оскуолаларын, кылаастарын бастыҥ үөрэнээччилэрэ кытталлар. Быйыл Саха сирин аатын Дьокуускайдааҕы кадеттар интэринээт-оскуолаларын үөрэнээччилэрэ көмүскээтилэр.
Сыл үөрүүлээх тэрээһинигэр дойду 74 субъегыттан итиэннэ доҕордуу дойдулартан 400-тэн тахса үөрэх тэрилтэтин 1600 иитиллээччитэ кытынна. Куонкуруһу ааһан, Дьокуускайдааҕы кадеттар интэринээт-оскуолаларын 11-с кылааһын үөрэнээччилэрэ Владимир Филиппов, Иван Пинигин, Богдан Егоров итиэннэ Дьокуускайдааҕы оҕо киинин “Күн мичээрэ” ансаамбылын иитиллээччилэрэ Саина Захарова, Валерия Мохова, Зоя Осипова барар чиэскэ тигистилэр (сал. Анна Алексеевна Яковлева, Вероника Владимировна Слепцова). Бу икки тэрилтэ оҕолоро туруорбут кыттыгас үҥкүүлэрин Арассыыйа үтүөлээх артыыһа, ырыаһыт, композитор Дмитрий Дунаевы кытта дойду тэбэр сүрэҕин улахан саалатыгар толорор дьолун биллилэр.
Оҕолору арыаллаан илдьэ сылдьыбыт Дьокуускайдааҕы кадеттар интэринээт-оскуолаларын учуутала Варвара Никифорова: “Биһиги иитиллээччилэрбит 2017, 2018, 2019 сыллардааҕы баалларга кыттыбыттара. Тэрээһин үрдүк таһымнаахтык ааста, киэҥ далааһыннаах, патриотическай тыыннаах”, — диэн санаатын үллэстэр. Онтон оҕолор баалга бэйэтигэр кыттыы букатын ураты тыыны, иэйиини үөскэтэр, үгүс умнуллубат, чаҕылхай түгэннэри хаалларда диэн этэллэр.
Тэрийэр кэмитиэт бэрэссэдээтэлэ, Судаарыстыбаннай Дуума оборуонаҕа кэмитиэтин бэрэссэдээтэлэ генерал-полковник Андрей Картаполов эппитинэн, быйылгы Кадеттар баалларын дьүүллүүр сүбэтигэр 1200 сайаапка-видео киирбит. “Дойдубут патриот ыччатын көрөр олус үчүгэй. Оҕолор видеоларыгар бэйэлэрин үөрэхтэрин кыһатын, тоҕо кадетскай үөрэҕи талбыттарын, ситиһиилэрин, соруктарын, киминэн-тугунан киэн тутталларын кэпсииллэр. Маны истэн, көрөн Арассыыйа суударыстыбатын бигэ тирэҕинэн буолбут, буолар ыччаппытынан киэн туттабыт”, — диэн бэрэссэдээтэл киин сонуну тарҕатар куйаар ситимигэр эппитэ баар.
Дойду араас муннугуттан киирбит сайаапкалартан талыллан, сылга биирдэ ыытыллар баалга кыттыы чахчы үйэ тухары умнуллубат өйдөбүлү хаалларара саарбахтаммат. Эдэр кыттааччыларга инникитин да үрдүк ситиһиилэри баҕарабыт.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…