Дьокуускайдааҕы киин паарка өрөмүөнэ түмүктэнэр
06.06.2024, 10:00
Хаартыска: yakutskcity.ru
Бөлөххө киир:
Дьокуускайга култуура уонна сынньалаҥ киин пааркатын бүтэһик өрөмүөн үлэлэрэ «Азия оҕолоро» успуорт оонньууларын ыытарга бэлэмнэнии чэрчитинэн түмүктэниэҕэ.
Туох үлэ барбытын уонна чугастааҕы күннэргэ ыытылыахтааҕын туһунан «Дьокуускай куорат» уопсастыбаннай миэстэлэрин сайыннарыы управлениетын киинин дириэктэрэ Роман Евсеев кэпсээтэ.
«Куорат дьаһалтата нэһилиэнньэ пааркаҕа куттала суох сылдьыытын тэрийиигэ кылгас болдьох иһинэн үлэни барытын түмүктүүргэ улахан сорук туруорбута. Паарка бэс ыйын 1 күнүгэр, Оҕолору көмүскэлин күнүгэр, аһыллыбыта. Кылгас кэм устата паарка иһинэн суоллары аспааллааһын ыытыллыбыта, билиҥҥи туругунан үлэ кээмэйиттэн 85% кэриҥэ туолла.
Киин аллеяҕа «Сырдык киин куорат» бырагырааманан сырдатыыны уларыттыбыт. Пааркаҕа киирии аарката уонна административнай дьиэлэр өрөмүөннэрэ ыытылынна, видеонан кэтээн көрүү камералара турдулар, саҥа уот уонна интэриниэт ситимин оҥордубут.
Оҕо былаһааккатын уонна Комсомольскай болуоссат өттүттэн күрүөнү өрөмүөннээтибит. Бу үлэлэргэ барыта 100-тэн тахса киһи кытынна уонна 20-тэн тахса тиэхиньикэ туһанылынна. Пааркаҕа 15 араас биригээдэ үлэлээтэ. Сүрүн үлэлэри нэдиэлэ бүтүөр диэри түмүктүүр былааннаахпыт», — диэн Роман Евсеев иһитиннэрдэ.
+1
2
+1
+1
+1
+1
+1
+1
Сообщить об опечатке
Текст, который будет отправлен нашим редакторам: