Хаартыска: sakhagov.ru
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн тиэмэтэ — киһи уонна айылҕа дьүөрэлэһиилэрэ. Айылҕаны, үгэстэри, култуурунай нэһилиэстибэни харыстааһыҥҥа анаммыт куонкурус бырагыраамата, айар көрсүһүүлэр, маастар-кылаастар уонна кэпсэтиилэр бу тиэмэни сайыннарыахтара.
Сүрүн куонкуруска аҕыс дойдуттан тоҕус киинэ кыттар: Арассыыйаттан, АХШ-тан, Бразилияттан, Францияттан, Италияттан, Ирантан, Индонезияттан уонна Непалтан. Олор истэригэр «Дарю тебе цветы» Василий Слепцов (Саха сирэ), «Омаха»Коул Уэбли (АХШ), «Шамбала»Мина Бахадур Бхам (Непал), «Анж» Тони Гатлиф (Франция) уо.д.а. киинэлэр.
Кыайыылаахтар Иннокентий Аммосов аатынан «Бастыҥ оператор үлэтэ», «Бастыҥ уус-уран киинэ», «Бастыҥ режиссер», «Бастыҥ дьахтар оруола», «Бастыҥ эр киһи оруола», «Дьүүллүүр сүбэ анал бириэмийэтэ» диэн алта номинациянан быһаарыллыахтара.
Көрөөччүлэр бастыҥнары быһаарыыга эмиэ кыттыыны ылыахтарын сөп — онлайн куоластааһынынан «Лучший якутский фильм», «Лучшая актриса и Лучший актер в якутском кино» номинациялары талыахтара. Ол курдук, уопсайа тоҕус бириис туттарыллыаҕа.
Аан дойдутааҕы дьүүллүүр сүбэни режиссер уонна сценарист Дали Окропиридзе (Грузия) салайар. Манна өссө продюсер Сяризан Мд Иса (Малайзия), режиссер Дальмира Тилепбергенова (Киргизия/Арассыыйа), этническэй киинэ исписэлииһэ Сергей Анашкин (Арассыыйа) уонна оператор Иван Семенов (Арассыыйа/Саха сирэ) киирэллэр.
Бэстибээл от ыйын 4 күнүгэр киэһэ 5 чаастан Саха тыйаатырын аттыгар кыһыл көбүөр устун хаамыыттан саҕаланыаҕа. Ол күн киэһэ 6 чаастан үөрүүлээх аһыллыы сиэрэ-туома буолар. Аһыллыыга «Сакван арыыта» диэн драма-триллер буолуоҕа (режиссер Владимир де Фонтене, Франция / Норвегия, 2025).
Бэстибээл түмүктэниитэ уонна кыайыылаахтары билиһиннэрии от ыйын 8 күнүгэр киэһэ 6 чаастан Саха академическай тыйаатырын сценатыгар буолуоҕа. Бэстибээлгэ киэҥ көрөөччүгэ анаан уһуллубут саамай дьикти киинэлэрин анал көрдөрүүлэрэ буолуоҕа.
Сиһилии: https://www.sakha.gov.ru/news/7489
Эрэгийиэннээҕи электроннай күннүктэргэ киирэргэ төлөбүрдээх сурутууну көрдүүр диэн төрөппүттэр элбэх үҥсэргээһини ыытыыларынан сибээстээн, РФ Үөрэҕиритиин…
Ахсынньыга Үрдүк Айыылартан биирдэстэрэ Билгэ Хаан чугаһыыр. Кини кэлбит бэлиэтинэн чаҕаан диэн кыл тэрил тыаһа…
СӨ ИДьМ силиэстийэлиир управлениетын тэрээһиннээх буруйу оҥорууну силиэстийэлиир чааһын силиэдэбэтэлэ, түүлээх фабрикатын 48 саастаах урукку…
Сэтинньи бүтэһик күннэригэр өрөспүүбүлүкэбитигэр оҕоҕо сыһыаннаах быһылааннар тахсаннар, үгүс киһини долгуттулар. Ол курдук, Дьиэ кэргэҥҥэ…
Бүлүү улууһун Күбэйиҥдэ сэлиэнньэтиттэн 15 килэмиэтирдээх Орто Түҥ сиригэр баахта оптуобуһун иһигэр гаас баллона эстибит.…
Бу күн Ый улаатан иһэр кэмэ, Охчут бэлиэтигэр турар. Ол аата, энергиябыт элбээн, саҥаны билиэн-көрүөн…