Дьокуускайдааҕы киинэ бэстибээлигэр киинэлэри босхо көрүөххэ сөп

Бэс ыйын 28-от ыйын 3 күннэригэр Дьокуускайдааҕы норуоттар икки ардыларынааҕы этническэй киинэ бэстибээлэ ыытыллар. Киинэлэри босхо көрүөххэ сөп. Ханна?

Дьокуускайдааҕы киинэ бэстибээлэ аан бастаан 2013 сыллаахха ыытыллан баран, быйыл сэттис төгүлүн буолар. 2020 сыллаахха хамсыктан сылтаан, онлайн көрүҥүнэн буолбута. Түөрт сыл буолан баран, быйыл, дьэ, «Желанный берег» Арктикатааҕы ускуустуба пуорумун чэрчитинэн ыытыллар.

Сүрүн куонкуруска 9 киинэ кыттар (Арассыыйаттан, Сербияттан, Кытайтан, Индияттан, Казахстантан, Монголияттан).

Ыччаты уонна саҥа саҕалааччылары өйүүр сыалтан, быйыл аан бастаан тэйиччиттэн Бүтүн Арассыыйатааҕы устудьуон киинэтин куонкуруһа буолуоҕа.

Маны тэҥэ үөрэтэр бырагыраамаҕа: маастар-кылаастар, лиэксийэлэр, айар көрсүһүүлэр, сүрэхтээһиннэр буолуохтара. Дьыалабыай бырагыраама былаас бэрэстэбиитэллэрин уонна киинэни устааччылары түмүөҕэ.

Бэстибээлгэ ханнык киинэлэр кытталлар?

• Паб «Старый дуб»  реж. Кен Лоуч / Великобритания, Франция, Бельгия — бэс ыйын 30 күнүгэр, күнүс 15:55 ч;
• «Последняя цена» реж. Наур Гармелия / Арасыыйа — бэс ыйын 30 күнүгэр, киэһэ 19.00 ч;
• «Хорошенькая» реж. Индия Дональдсон / АХШ — от ыйын 1 күнүгэр күнүс 16:05 ч;
• «Король Лир» реж.  Сергей Потапов / Саха сирэ — от ыйын 1 күнүгэр киэһэ 19.00 ч;
• «Там, где танцуют стерхи» реж. Михаил Лукачевский / Саха сирэ — бэс ыйын 30 күнүгэр, күнүс 14.00 чаастан;
• «Город ветров» реж. Лхагвадулам Пурев-Очир / Монголия, Германия, Нидерланды, Португалия, Франция — от ыйын 1 күнүгэр, күнүс 14.00 чаастан;
• «Дастур»  реж. Куаныш Бейсек / Казахстан — от ыйын 2 күнүгэр, киэһэ 19.00 ч;
• «Пылающее облако» реж.  Лю Сыи / Кытай — от ыйын 2 күнүгэр, күнүс 14.00 ч;
• «78 дней» реж. Эмилия Гасич  / Сербия — от ыйын 2 күнүгэр, киэһэ 21.00 ч.

Бу киинэлэри «Лена» киинэ тыйаатырыгар буор-босхо баран көрүөххэ сөп. Онуоха: https://cinemalena.com саайтка киирэн, босхо билиэттэри ылыахха наада.

Маны тэҥэ, куонкуруһу таһынан киинэлэри эмиэ көрдөрүөхтэрэ. Босхо билиэттэри «Лена» киинэ тыйаатырын саайтыттан ылаҕыт.

Бэс  ыйын 30 күнүгэр:

• 13:00 ч -Мультфильм «Тайна домашних животных».
• 22:00-23:45 ч. — «Контакты» («Ночь фантастики»);
• 24:00-01:30 ч. — «Вампирша-гуманистка ищет отчаянного добровольца».

От ыйын 1 күнүгэр:

• 13:00-14:44 ч — «Остров пропавших девчонок» (оҕолорго).
• 21:00-22:34 ч — «Нежить (In a Violent Nature)» («Ночь страха»).
• 22:45-00:45 ч — «Кошки-мышки».
• 01:00-03:17 ч — «Хищники».