Хаартыска: Дьокуускайдааҕы килиэп кэмбинээтин архыыбыттан
«Дьокуускайдааҕы килиэп кэмбинээтэ» АУо 2026 сыл олунньу 5 күнүттэн саҕалаан бородууксуйатын кууһунан атыыга сыанатын үрдэтэрин биллэрдэ. Маннык быһаарыныы оҥорон таһаарыы ороскуотугар улаханнык дьайар хас даҕаны төрүөтүнэн сылтаан ылынылынна.
Сыана үрдээһинэ бастатан туран, сырье сыанатын үрдээһинин кытары сибээстээх. Дьокуускайдааҕы килиэп кэмбинээтэ бүтэһик ыйдарга килиэп уонна килиэп бородууксуйатын оҥорууга туттуллар сырье сыаната үрдүү турарын бэлиэтиир. Ол түмүгэр бородууксуйаны оҥорон таһаарар сыанатын үрдэтиигэ тиэрдибит.
Ону таһынан, инфраструктура ороскуотун үрдээһинэ, дьиэ-уот хаһаайыстыбатын өҥөлөрүн төлөбүрүгэр ороскуоттар биллэ улааппыттара тэрилтэ уопсай үбүн балаһыанньатыгар сабыдыаллаабыт. Бородууксуйаны тиэйии-таһыы, логистика эмиэ ороскуоту үрдэтиигэ быһаччы дьайбыттар.
Бородууксуйа үрдүк хаачыстыбатын уонна тиэйии-таһыы бигэ туругун тутар туһугар, кэмбинээт салалтата табаар көрүҥүнэн, 4%-тан 7%-ҥа диэри бородууксуйа кууһунан атыытын сыанатын үрдэтэргэ быһаарбыт. Бу дьаһаллар уустук кэмҥэ, тэрилтэ хаачыстыбалаах бородууксуйанан нэһилиэнньэни хааччыйарын салгыыр кыаҕы биэриэҕэ. «Дьокуускайдааҕы килиэп кэмбинээтэ» АУо бу үөскээбит балаһыанньаны нэһилиэнньэ өйдүө диэн эрэнэрин биллэрбит.
Аллайыаха улууһун кииниттэн, Чокуурдаахтан 141 килэмиэтир тэйиччи сытар кыракый Оленегорскай нэһилиэгин олохтоохторо байыаннай дьайыыга анаан…
Саха Өрөспүүбүлүкэтин судаарыстыбаннай былааһын толорор уорганнарын 2025 сыллааҕы үлэлэрин түмүгүн туһунан ОТЧУОТ Аан тыл…
Москва мээрэ Сергей Семенович Собянины кытта көрсүбүтүн туһунан Ил Дархан Айсен Николаев МАХ ханаалыгар суруйда.…
Усуйаана улууһун Усуйаана нэһилиэгэр ааспыт нэдиэлэ бүтүүтэ “Тоҥ балык” күрэх буолан ааста. Хоту дьон мааны…
Бүгүн, олунньу 4 күнүгэр, 11:42 чааска баһаарынай-быыһыыр сулууспаҕа Дьокуускай куоракка, Бүлүүлүүр суол 6 км. баар…
Бу нэдиэлэҕэ Саха сириттэн байыаннай дьайыы ыытыллар сиригэр Аҕа дойдуну көмүскээччи күнүгэр аналлаах бырааһынньыктааҕы ас-үөл…