Хаартыска: СИА
Орто анал үөрэхтээһин федеральнай технопааркатыгар уонна Калуга куорат атын былаһааккаларынан атырдьах ыйын 26-27 күннэригэр «Создаём будущее своими руками» орто анал үөрэхтээһинин пуорума буолан ааста.
Пуорумҥа былаас, биисинэс, үөрэх тэрилтэлэрин салайааччылара, кэллиэс устудьуоннара кыттыыны ыллылар. Тутаах боппуруостары дьүүллэһиигэ Дьокуускайдааҕы мэдииссинэ кэллиэһин устудьуоннарын Сэбиэтин бэрэссэдээтэлэ Дмитрий Барахов кытынна. Икки күннээх пуорум дьыалабыай бырагырааматынан 40- тан тахса тэрээһин буолан ааста: пленарнай мунньах, төгүрүк остуоллар, сэминээрдэр, эспиэрдэр сиэссийэлэрэ, о.д.а. «СПО: образование размеров с будущее» диэн пленарнай мунньахха орто үөрэҕи бүтэрээччи 9-с кылаас выпускниктарын 60%-на орто анал үөрэҕи талаллар уонна 3,5 мөлүйүөнтэн тахса оҕо кэллиэстэргэ, техникумнарга үөрэнэллэр диэн бэлиэтээтилэр.
Пуорум тэрээһиннэригэр Үөрэх уонна наука миниистирин бастакы солбуйааччы Михаил Присяжнай салайааччылаах Саха сирин дэлэгээссийэтэ кытынна. Дэлэгээссийэ састаабыгар Саха сирин орто анал үөрэхтээһин салайааччылара уонна бэрэстэбиитэллэрэ киирдилэр. Тутаах боппуруостары дьүүллэһиигэ Саха Дьокуускайдааҕы мэдииссинэ кэллиэһин устудьуоннарын Сэбиэтин бэрэссэдээтэлэ Дмитрий Барахов кытынна. Дмитрий «Лечебное дело» идэтигэр иккис кууруска үөрэнэр. Устудьуоннар Сэбиэтигэр Дима бастакы кууруска киирбит уонна тэрээһиннэргэ өрүү кыттар баҕалаах. Билигин устудьуоннар Сэбиэтин састаабыгар 50- тан тахса көхтөөх устудьуон баар.
«Биһиги кэллиэспит устудьуоннары сайыннарар уонна устудьуоннар Сэбиэтин бэрэссэдээтэлин дуоһунаһыгар устудьуоннарбыт араас талааннарын, дьоҕурдарын арыйалларыгар көмөлөһөбүн. Бүтүн Арассыыйатааҕы орто анал үөрэхтээһинин пуорума курдук улахан тэрээһиҥҥэ кыттар миэхэ олус интэриэһинэй уопут буолла. Пуорумҥа элбэх тирээн турар суолталаах боппуруостары дьүүллэстилэр, устудьуоннар үөрэх кэмигэр кыһалҕаларын көтөхтүлэр. Орто үөрэхтээһин сайдыытын туһунан элбэх сонуну биллим уонна Саха сиригэр билиибин туһаныам диэн эрэнэбин«, — диэн устудьуон үллэһиннэ. Бу туһунан СИА суруйар.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…