Хаартыска: www.sakha.gov.ru
В.А.Вонгродскай аатынан Дьокуускай куораттааҕы мэдиссиинэ кэллиэһэ “Профессионалитет” бырайыагынан федеральнай граны сүүйдэ. Үбүлээһин кээмэйэ 60,5 мөл. солк. тэҥнэһэр. Ити туһунан Ил Дархан Айсен Николаев телеграм-ханаалыгар иһитиннэрэр.
Үбү клиническэй уонна профилактическай мэдиссиинэ аныгы үөрэтэр кластерын тэрийиигэ ыытыахтара.
“Бу доруобуйа харыстабылын сайыннарыыга мин стратегическай ыйаахпар бэлиэтэммит үлэни быһаччы салҕааһын буолар. Биһиги каадырга тирэҕи бөҕөргөтөбүт, мэдиссиинэ үөрэҕин кыаҕын кэҥэтэбит уонна хаачыстыбалаах көмө тэҥ таһыма турарын ситиһэбит” – диэн Айсен Николаев бэлиэтиир.
Мэдиссиинэ саҥа кластерыгар Нерюнгри уонна Алдан мэдиссиинэҕэ кэллиэстэрэ киириэхтэрэ.
“Бу үөрэх лабаратыарыйаларын саҥардарга, аудиториялары аныгы тэрилинэн хаҥатарга уонна мэдиссиинэҕэ каадыры бэлэмнээһин хаачыстыбатын биллэ үрдэтэргэ көмөлөһөр саҥа мастарыскыайдары тэрийэргэ көмөлөһүөҕэ” – диэн Ил Дархан бэлиэтиир.
“Профессионалитет” бырайыак РФ Бэрэсидьиэнэ Владимир Путин көҕүлээбит “Ыччат уонна оҕолор” саҥа национальнай бырайыак иитинэн олоххо киирэр. Бырайыак экэниэмикэ инники күөҥҥэ турар салааларыгар ирдэнэр каадыры бэлэмнээһин көдьүүстээх систиэмэтин олохсутууга туһаайыллар. Бу туһунан Ил Дархан уонна Бырабыыталыстыба пресс-сулууспата суруйар.
ИДьМ сулууспатын Уус Алдан оройуонун дьуһуурунай чааһыгар тутуу тэрилтэтин бэдэрээччиттэ үнүстүрүмүөн уорбуттарын туһунан тыллаабыт. Материальнай…
Бүгүн, муус устар 22 күнүгэр, Дьааҥы улууһугар икки киһи Дьааҥы өрүс арыытыгар көмө күүтэрин туһунан…
Муус устар 18-20 күннэригэр Санкт-Петербург куоракка Аан дойдутааҕы этноспорт Сойууһа тэрийбит VII Этноспортивнай биэдэмистибэннэй пуорума…
Айсен Николаев М.К. Аммосов аатынан Хотугулуу-Илиҥҥи федеральнай университет үлэтин хайысхаларынан сүбэ мунньаҕы ыытта. «ХИФУ -…
Ыам ыйынааҕы уһун өрөбүллэр буолалларынан, босуобуйалары түҥэтии кыраапыга уларыйда диэн Үлэ, социальнай сайдыы министиэристибэтэ иһитиннэрэр.…
Ыам ыйдааҕы бырааһынньыктар уонна өрөбүл күннэр биһигини күүтэллэр. Бу сынньалаҥ күннэри хайдах туһалаахтык атаарар туһунан…