Быйыл Дьокуускайдааҕы мэдиссиинэ кэллиэһин бүтэрэн 552 киһи орто анал үөрэх дьупулуомун тутуоҕа. Номнуо 70 %-ын Саха сиринээҕи мэдиссиинэҕэ тэрилтэлэргэ үлэҕэ ыытарга анаан олороллор. Ол курдук, куораттааҕы уонна өрөспүүбүлүкэтээҕи мэдиссиинэ тэрилтэлэрин кытта 152 устудьуон, улуус балыыһаларын кытта 232 устудьуон барыллаан дуогабары түһэрсибит.
Дьокуускайдааҕы мэдиссиинэ базовай кэллиэһин эһиил бүтэрээччилэрин барыллаан тэрилтэлэринэн үллэрии Доруобуйа харыстабылын министиэристибэтин каадырга бэлиитикэтин салаатын салайааччыта С.И.Грязнухин, Үлэлээх буолуу киинин дириэктэрин бастакы солбуйааччы И.И.Соловьев кыттыылаах бу күннэргэ буолан ааста.
Эбии Үлэлээх буолуу киинэ кэнэҕэһин мэдиссиинэ үлэһитэ буолуохтаах дьоҥҥо РФ Накаастабылы толорор федеральнай сулууспатын Саха сиринээҕи управлениетыгар, уһуйааннарга, оскуолаларга, о.д.а. тэрилтэлэргэ миэстэлэри көрдө.
“Эрэгийиэн бырабыыталыстыбата уонна толорор былаас мэдиссиинэ каадыра тиийбэтин быһаарарга былааннаах үлэни ыытар. Дьокуускайдааҕы мэдиссиинэ базовай кэллиэһэ Доруобуйа харыстабылын министиэристибэтин, улуус балыыһаларын уонна муниципальнай тэриллиилэри кытта бу соруктары быһаарарга көмөлөһөллөр, онон мэдиссиинэ орто идэлээх исписэлиистэрин миэстэлэригэр бэлэмнииллэр. Ону тэҥэ, Доруобуйа харыстабылын уонна үөрэх министиэристибэлэрэ сиэстэрэ уонна биэлсэр идэлэригэр үөрэтиигэ кубуотаны сыллата эбэн иһэллэр”, — диэн Доруобуйа харыстабылын каадырга бэлиитикэтин салаатын салайааччыта ыйар.
Бэлиэтээн эттэххэ, өрөспүүбүлүкэҕэ “Земскэй дуоктар/биэлсэр” бырагыраама үлэлиир, манна кэллиэһи бүтэрбиттэр эмиэ хапсыахтарын сөп. Бырагыраама быһыытынан, тыа сирин нэһилиэнньэлээх пууннарыгар барбыт биэлсэрдэргэ 1 мөл. солк. кээмэйдээх, ону тэҥэ, 50 тыһ. диэри нэһилиэнньэлээх куораттарга үлэлии барар биэлсэрдэргэ 500 тыһ. солк. кээмэйдээх биирдэ бэриллэр төлөбүр көрүллэр. Бу туһунан Доруобуйа харыстабылын пресс-сулууспата суруйар.
Саха Өрөспүүбүлүкэтин Юстицияҕа судаарыстыбаннай кэмитиэтин бэрэссэдээтэлэ Павел Иванов от ыйын 1 күнүгэр, оптуорунньукка, СӨ Ил…
Дьокуускайга куоракка улахан бырааһынньыктар ыытыллар кэмигэр арыгыны атыылыыры хааччахтыырга этии киллэрдилэр, диэн «Эхо столицы» ТГ-ханаала…
От ыйын 1 күнүгэр Арассыыйаҕа Байыаннай дьайыы бэтэрээннэрин күнүн бэлиэтииллэр. Бу бэлиэ СӨ Ил Дархана…
Борокуратуура ирдэбилинэн, Дьокуускай куорат олохтооҕо өрөспүүбүлүкэтээҕи «Дьиэ кэргэн» ийэ хапытаалын - 316,2 тыһ. солк. ылар…
«Водоканал» хампаанньа пресс-сулууспата иһитиннэрэринэн, Дьокуускайга от ыйын 1 күнүгэр быстах кэмҥэ ууну араарыахтара. Ол курдук,…
Саха Өрөспүүбүлүкэтин устуоруйатыгар 1907 сыл от ыйын 1 күнэ умнуллубат, сотуллубат бэлиэ түгэнинэн буолбута. Ити…