Дьокуускайдааҕы наркодиспансер арыгылааһынтан анонимнайдык эмтэнии аахсыйатын биллэрдэ

СӨ наркологическай диспансера арыгыттан тутулуктаах буолууттан анонимнайдык, босхо эмтэнии уонна психологическай консультация аахсыйатын биллэрдэ. Саха сиригэр арыгыны иһиини уонна онтон сибээстээх өлүүнү-сүтүүнү, ыалдьыыны аччатыы нэдиэлэтэ саҕаланна.

Аахсыйа чэрчитинэн үрдүк квалификациялаах көмөнү ыларга наркодиспансерга (Михаил Николаев проспега, 3) балаҕан ыйын 8, 9 уонна 12 күннэригэр, 11-тэн 14 чааска диэри кэлэн билсиэххэ сөп:

• билсэр төлөпүөннэргит: 33-15-49, 7 924 567-89-90;
• эмтэнии уонна балыыһаҕа киирии боппуруостарыгар биир кэлим нүөмэр: +7 924 591-10-20;
• эрэл төлөпүөнэ: +7 924 567-89-90.

«Бүгүн биһиги дойдубутугар арыгылааһыны утары охсуһууга эмтээһин уонна чөлүгэр түһэрии араас  ньымалара туттуллаллар. Чөл олоххо бастакы хардыынан ыарыһах бэйэтигэр кыһалҕа баарын өйдөөһүнэ уонна онтон босхолонуон баҕарара буолар. Арыгылааһынтан эмтээһин комплекснайдык ыытыллар уонна едикаментознай, психотерапевтическэй уонна чөлүгэр түһэрэр терапияны холбуур», — диэн СӨ Доруобуйаҕа харыстабылын министиэристибэтин иһитиннэриитигэр этиллэр.