Дьокуускайдааҕы норуоттар икки ардыларынааҕы киинэ бэстибээлэ түмүктэнэр

Бүгүн, от ыйын 8 күнүгэр, 2013 сылтан араас дойдулартан талааннаах киинэ оҥорооччулары түмэр Дьокуускайдааҕы норуоттар икки ардыларынааҕы киинэ бэстибээлин үөрүүлээх быһыыга-майгыга сабыллыыта буолуоҕа.

«Быйыл бэстибээл тиэмэтэ киһи уонна айылҕа сыһыаннарыгар ананар. Көрөөччүлэргэ тулалыыр эйгэни кытта дьүөрэлэһэн олоруу, үгэстэри уонна култуурунай нэһилиэстибэни харыстааһын боппуруостарын сырдатар киинэлэр билиһиннэрдилэр», — диэн бэстибээл тэрийээччилэрэ бэлиэтээтилэр.

Күрэхтэһии бырагырааматыгар дойдубут уонна тас дойдулар оҥоһуктара – 10 киинэ, ол иһигэр Италия, Франция, Индонезия, АХШ, Бразилия, Иран уонна Непал үлэлэрэ киирдилэр.

Бэстибээл түмүгүнэн тоҕус сүрүн наҕараада – «Көмүс хаар ачыкы» уонна «Үрүҥ көмүс хаар ачыкы», «Бастыҥ киинэ», «Бастыҥ режиссер», «Бастыҥ актер», «Бастыҥ актриса» номинацияларга, ону таһынан бастыҥ оператор үлэтин иһин анал бириис туттарыллыахтара.

Ону таһынан, көрөөччүлэр биһирэбиллэрин бириистэрэ олохтоммуттара: бастыҥ саха киинэтин иһин уонна саха киинэтигэр бастыҥ актерскай үлэлэр иһин.