Хаартыска: Дьокуускайдааҕы харах балыыһатын ТГ-ханаала
Дьокуускайдааҕы өрөспүүбүлүкэтээҕи офтальмологическай балыыһаҕа ыарыыны диагностикалыыр саҥа прибор баар буолла. Аппараат эпэрээссийэҕэ анаан харах параметрдарын кээмэйдииргэ көдьүүһү уонна чопчу буолууну хааччыйар диэн харах балыыһатын ТГ-ханаала иһитиннэрэр.
Балыыһа быраастара биометр көмөтүнэн катарактаны эмтииргэ бастакы эпэрээссийэлэрин оҥордулар.
«ARGOS биометрическэй прибора Арассыыйаҕа 2024 сыл бүтүүтэ эрэ баар буолбута. Кыаҕа тута сыаналанан, биһиги аппарааты балыыһабытыгар атыылаһар үлэни саҕалаабыппыт. Бу прибор бастатан туран хирургическай диагностикаҕа аналлаах — бырааска линзаны угарга (имплантациялыырга) табыгастаах буоларын курдук. Бу икки систиэмэ: биирэ — поликлиникаҕа, иккиһэ — эпэрээссийэлиир хоско туруоруллубуттара. Офтальмологическай балыыһа 100 сылыгар мэдиссиинэ көмөтүн саамай аныгы таһымҥа таһаарар сыалтан, тэриллэрбитин саҥардабыт», — диэн Дьокуускайдааҕы өрөспүүбүлүкэтээҕи офтальмологическай балыыһа кылаабынай бырааһа Иван Луцкан кэпсээтэ.
Диагностикалыыр тэрил көмөтүнэн харах биометрическэй параметрдарын, ол иһигэр харах инники дириҥин, хрусталик уонна сетчатка халыҥын, ону таһынан харах үрүҥүн диаметрын уонна кератометрияны кээмэйдиэххэ сөп.
«Бэлиэтээн эттэххэ, киһи астигматизмнаах буоллаҕына, прибор хрусталик хайдах параметрдаах буолуохтааҕын ааҕан таһаарар кыахтаах. Бу аппарат быһаччы эпэрээссийэлиир микроскобу кытта сибээстээҕинэн олус көмөлөһөр. Чинчийии бары параметрдара, түмүктэрэ тута электроннай ньыманан микроскопка ыытыллаллар, хирург харах бары уратыларын көрө олорор. Билигин эпэрээссийэлэр түргэнник ааһар буоллулар», — диэн быраас-офтальмохирург Иннокентий Белолюбскай кэпсээтэ.
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…