Дьокуускайдааҕы үүт собуота үүтү босхо биэрэр буолла

Дьокуускайдааҕы үүт собуота бу сыл кулун тутар 12 күнүттэн үүтү оҕо күүтэр уонна оҕо төрөөбүт ийэлэргэ босхо  биэрэр буолла.

Ыйга кырачаан кыһыл оҕо үүнэригэр-сайдарыгар үс лиитэрэ үүт бэриллиэҕэ, диэн СӨ Доруобуйаҕа харыстабылын министиэристибэтин пресс-сулууспата иһитиннэрдэ.

Олохтоммут быраабылаҕа олоҕуран, эбии аһылык көрүҥүн мэдиссиинэ көрдөрүүлэринэн оҕо күүтэр дьахталлар (оҕо 12 нэдиэлэтигэр уонна төрүөр диэри) уонна оҕо төрөөбүт ийэлэр (оҕо 12 ыйын туолуор диэри) босхо ылыахтарын сөп.

Босхо үүтү ыларга анал ирдэбил-ырысыап наада. Бу ырысыабы оҕо поликлиникатыгар педиатр-быраас эбэтэр оҕо күүтэр дьахталларга акушер-гинеколог аныыр бырааптаах.

Үүтү биэрии пуун аадырыһа: Дьокуускай к., Дзержинскай аатынан уул., 42 дь., 2 куорпус, Дьокуускайдааҕы үүт собуотун отдела.