Дьокуускайдааҕы үүт собуотун бородууксуйатын сыаната олунньу 1 күнүттэн ыарыаҕа

Дьокуускайдааҕы үүт собуота олунньу 1 күнүттэн “Молочный дождик” аатынан оҥоһуллар бэйэтин бородууксуйатын сыанатын  ыаратыаҕа.

Хампаанньаҕа быһаарбыттарынан, сыана үрдээһинэ оҥорон таһаарыыга ороскуот улаатыытын кытта сибээстээх. Сыана ортотунан 22% эбиллиэҕэ.

Маҕаһыыннарга сыана маннык буолара сабаҕаланар:

• Үүт — 84,7 солкуобай;
• сыыр биир киилэтэ — 1 341,3 солкуобай;
• 3,2%  сыалаах кэпиир — 85,8 рублей;
• ынах арыыта– 275 солкуобай;
• сүөгэй  — 200,2 солкуобай.

Хампаанньа  сыананы үрдэтэр быһаарыыны бородууксуйа үрдүк хаачыстыбалаах уонна нэһилиэнньэҕэ тириэрдии туруктаах буоларын туһугар ылынна.

Үүт собуота 2024 сылга 14 870 туонна бородууксуйаны оҥорбута.

“Дьокуускайдааҕы үүт собуота” хааччахтаммыт эппиэтинэстээх уопсастыба Саха сиригэр үүт бородууксуйатын оҥорууга инники кэккэҕэ иһэр. Билигин тэрилтэ үүт бородууксуйатын 50-тан тахса арааһын оҥорор.