Хаартыска: yakutskcity.ru
Бүгүн, алтынньы 14 күнүгэр Дьокуускай куоракка 11-с нүөмэрдээх оптуобус өссө биир саҥа сырыыта баар буолла.
“Куорат, бастатан туран, Речевой оскуола, Пригороднай сэлиэнньэ уонна Птицевод уулусса олохтоохторун бу күүтүүлээх-кэтэһиилээх түгэнинэн эҕэрдэлиибин. ЯПАК хааччыйар бу номнуо үһүс маршрута буолар (бу иннинэ 100-с нүөмэрдээх магистральнай маршруту арыйбыппыт, ону тэҥэ, 1-кы нүөмэрдээх маршруту хааччыйыыга ылбыппыт). Бүгүн бары маршруттарга орто уонна улахан кылаастаах аныгы, тупсаҕай оптуобустар сүүрэллэр.
Кэлиҥҥи үс сыл ЯПАК уонна “СоюзАвто” чааһынай таһааччылар 120-тэн тахса оптуобустарын саҥартыбыт. Чугастааҕы сылларга өссө 250-тэн тахса оптуобуһу атыылаһар былааннаахпыт” – диэн Дьокуускай куорат баһылыга Евгений Григорьев эттэ.
11-с нүөмэрдээх маршрут Птицевод уонна Пригороднай сэлиэнньэтин Геодезистов уулуссатын олохтоохторун тырааныспарынан хааччыйар соруктаах. Бу оптуобус икки тиһэх тохтобуллартан айанныаҕа – “Речевой оскуола” уонна Пригороднай сэлиэнньэ Геодезистов уулуссата. Маршрур уһуна – 12,5 км., айан уһуна 1 чаас 30 мүн. тэҥнэһэр, тохтобул ахсаана – 31. Ити туһунан Якутск.РФ саайтка суруйаллар.
Бүгүн хаар түһэр дуо? Күнү-дьылы кэтээн көрөөччүлэр туох диэтилэр? Өрөспүүбүлүкэ соҕуруулуу-арҕаа улуустарыгар, Халымаҕа кыралаан хаардыа.…
Мииринэй куорат 60 саастаах олохтооҕо түөрт киһини өлөрөн сууттанна. Бу туһунан СӨ Борокуратуурата иһитиннэрэр. 2023…
Хомсомуол үгүс көлүөнэ ыччакка эдэр саастарын аргыһа буолан, сыллар аастахтарын аайы күндүтүйэн иһэр өйдөбүл. …
— Оҕом Казахстаҥҥа төлөбүрдээх үөрэххэ киирбитэ. Онно нолуок вычетын хайдах төннөрүөххэ сөбүй? Төрөппүт ыйытыытыгар Арассыыйа ФНС…
Сэтинньи 6 күнүгэр үлэ бэтэрээнэ, СӨ култууратын үтүөлээх үлэһитэ, Тыл билимин хандьыдаата, Арассыыйа Бэдэрээссийэтин Билимин…
Норуоттар сомоҕолоһууларын күнүн көрсө, сэтинньи 2 күнүгэр “Арассыыйа – мин устуоруйам” түмэлгэ “Этнография улахан дьыктааныгар”…