Салгыы
Дьокуускайга 13 этээстээх гостиница тутуллара бигэргэннэ

Дьокуускайга 13 этээстээх гостиница тутуллара бигэргэннэ

02.04.2025, 18:00
Хаартыска: "Киин" ХЭТ.
Бөлөххө киир:

Дьокуускай киинигэр, Чернышевскай уулуссатыгар 13 этээстээх, 9 тыһыынча кв.м. иэннээх, 4 сулустаах, аныгылыы көрүҥнээх гостиница дьэндэйэн тахсыаҕа. COSMOS» гостиница бырайыагар «Судаарыстыбаннай эспэртиисэ сүрүн управлениета» федеральнай тэрилтэ бигэргэтэр түмүгү таһаарда. 

Хаартыска: "Киин" ХЭТ.

Отельга араас категориялаах 148 нүөмэр баар буолуоҕа, ол иһигэр, 5 нүөмэр доруобуйаларыгар хааччахтаах, кыаммат дьоҥҥо аналлаах. Биир күҥҥэ 300 киһи тэҥинэн түһэр кыахтаах. Маны тэҥэ, конференц-саала, эрэстэрээн, дьыалабыай хос, тренажернай комплекс баар буолуохтара.

— Дьокуускайга тутуллар гостиничнай комплекс бырайыага ураты тутуллаах. Үөһэттэн көрдөххө, үс муннуктуу быһыылаах, киин өттүгэр 13 этээстээх, төгүрүктүү башнялаах. Онон түннүктэрэ бары кэриэтэ Өлүөнэ өрүс диэки тахсаллар. Түннүктэр панорамнай буолан, кыһыннары-сайыннары кэрэ көстүү арыллар, — диэн судаарыстыбаннай эспэртиисэ эспиэрэ Оксана Пономарева бэлиэтээтэ.

Бырайыак «Туризм и гостеприимство» национальнай бырайыак чэрчитинэн тутуллар. Гостиницаны «Центр» ХЭТ тутар, бу тэрилтэни тэрийээччилэр — «Туризм.РФ» коорпорация, Cosmos Hotel Group, УК «Центр» («РИК» бөлөх).

— Саха сиригэр үрдүк таһымнаах гостиница аҕыйах, маны тэҥэ,  кэрэ айылҕалаах, ураты килиимэттээх буолан, Арассыыйаттан элбэх турист интэриэһиргиир буолла. Ирбэт тоҥҥо турар соҕотох куорат буолар. Онон туризм күүскэ сайдар кыахтаах, — Судаарыстыбаннай эспэртиисэ управлениетын сулууспатын салайааччытын солбуйааччы Татьяна Малашина кэпсээтэ.

+1
2
+1
0
+1
0
+1
0
+1
0
+1
0
+1
0
Бары сонуннар
Салгыы
3 апреля
  • 1°C
  • Ощущается: -4°Влажность: 51% Скорость ветра: 6 м/с

Сообщить об опечатке

Текст, который будет отправлен нашим редакторам: