Дьокуускайга 14 киһи сушиттан сүһүрдэ

Дьокуускайга от ыйын 26-27 күннэригэр суши, пицца оҥорор сулууспаттан ас сакаастаан, уопсайа 14  киһи сүһүрдэ. Эмсэҕэлээбит дьон үгүстэрэ ис ыарыытын инфекциятыгар сыстыбыттар.

Алта киһини суһаллык балыыһаҕа киллэрдилэр, онтон атыттара таһыттан эмтэнэллэр. Ол курдук, эмсэҕэлээбит дьон суши нобуорун, крабтаах, кууруссалаах «кэмбиэрдэри» сакаастаан сиэбиттэр. Кинилэр аһаан баран истэрэ ыалдьан моһуогурбуттар.

Силиэстийэлиир кэмитиэт дьон сүһүрүүтүнэн ситимнээн бэрэбиэркэни саҕалаата.