Дьокуускайга 14 саастаах үөрэнээччигэ арыгы атыыламмыт чахчыта билиннэ

Дьокуускайга полиция үлэһиттэрэ суһал- профилактическай тэрээһиннэр кэмигэр сокуоннай сааһын ситэ илик оҕоҕо арыгыны атыылааһын тахсыбыт чахчытын быһаардылар.

Сокуоннай саастарын ситэ илик оҕолор дьыалаларыгар инспектордар киин куорат Лермонтов аатынан уулусса маҕаһыынын атыыһыта 14 саастаах үөрэнээччигэ арыгы атыылаабытын быһаардылар. Атыыһыт оҕоттон сааһын туоһулуур докумуону интэриэһиргээбэтэх. Ону таһынан Воинскай уулуссаҕа турар маҕаһыыҥҥа 20:00 чаас кэннэ арыгы атыыланарын буллулар.

Миэстэтигэр уопсайа 103 лиитэрэ арыгы бородууксуйата былдьанна. Сокуону кэһээччилэргэ административнай боротокуол оҥоһулунна. Арыгы бородууксуйатын эргинии эйгэтигэр сокуону кэһиини сэрэтиигэ, буруйу оҥорууга уонна туоратыыга профилактическай рейдэлэр салҕаналлар, диэн ИДьМ пресс-сулууспата иһитиннэрэр.