Дьокуускайга 16 оскуола харантыыҥҥа барбыт

Дьокуускайга кириип дьаҥа турбутунан 16 оскуола дьиэттэн олорон үөрэниигэ көстө.

Ону тэҥэ,  оҕо уһуйааннарыгар 6 бөлөх харантыыҥҥа барбыт. Бу туһунан Дьокуускай куорат үөрэҕирии дьаһалтатын салайааччыта Мария Петрова иһитиннэрдэ.

“Алтынньы 9 күнүгэр харантыыҥҥа 62 кылаас барда, уопсайа 1265 үөрэнээччи. Уһуйааннарга дьаҥҥа ылларбыт оҕо ахсаана 20% элбээн алта бөлөх (688 оҕо) харантыыҥҥа ыытылынна”, — диэн этэр кини.

Роспотребнадзор иһитиннэрэринэн, алтынньы 6 күнүгэр кирииптэн 250 тыһыынча киһи вакцина ылбыт, ол иһигэр 99 тыһыынча оҕо.