Дьокуускайга 18 саастаах уол өлбүтүнэн силиэстийэ ыытыллар

Дьокуускай куоракка 18 саастаах уол өлбүтүнэн холуобунай дьыала силиэстийэлэнэр.  

Бүгүн саайтпытыгар сэтинньи 1 күнүгэр  эт-хаан  эчэйиитин ылбыт 18 саастаах уол балыыһаҕа киирбитин туһунан суруйбуппут.

СӨ Силиэстийэлиир кэмитиэтэ иһитиннэрбитинэн, туһааннаах түбэлтэнэн Ис дьыала уорганнара холуобунай дьыала  тэрийбиттэр. Сэтинньи 10 күнүгэр эмсэҕэлэбит  уол тыына быстыбыт.

Эдэр киһи  төбө-мэйии эчэйиитин ылан, ол түмүгэр өлбүтүн туһунан  мэдиссиинискэй чинчийии быһаарбыт. Эр киһи өлбүтүнэн сибээстээн,  холуобунай дьыала СӨ Силиэстийэлиир кэмитиэтин Дьокуускайдааҕы управлениетыгар бэриллибит.

Билигин Силиэстийэлиир кэмитиэт силиэдэбэтэллэрэ  быһылааҥҥа кыттыгастаахтары кытары силиэстийэлиир үлэни ыыталлар.