Дьокуускайга 18 саастаах устудьуон уларсык ылбыт ноутбугу атыылаабыт

Дьокуускай полициятын отделыгар ноутбугу уоруу туһунан сайабылыанньа киирбит. Материальнай хоромньу суумата 93 000 солк. кэриҥэ буолбут. Бу туһунан Саха сиринээҕи ИДьМ пресс-сулууспата иһитиннэрэр.

Холуобунай ирдэбил үлэһиттэрэ уорбаланааччыны туппуттар. Силиэстийэ быһаарбытынан, уорбаланааччы 18 саастаах устудьуон уол оҕо буолара быһаарыллыбыт. Буруйдаах курсовой үлэни суруйуом диэн биир кууруска үөрэнэр оҕоттон ноутбук уларсыбыт. Ол эрээри, курсовойун суруйуон оннугар, атын киһи малын атыылаабыт. Харчыны тус наадатыгар ороскуоттаабыт. «Түөкүннээһин» ыст. холуобунай дьыала тэрилиннэ.