Дьокуускайга 19 саастаах уол маҕаһыынтан шампунь уорбут уонна атыылаабыт

Дьокуускайга Покровскайдыыр тракт маҕаһыыныгар 9 тыһыынча солкуобай суумаҕа шампунь уорбуттар. Полиция үлэһиттэрэ уорбаланааччы лиичинэһин быһаарбыттар.

Уорбаланааччы урут сууттана сылдьыбыт 19 саастаах олохтоох эдэр уол буолара биллибит. Бу туһунан ИДьМ пресс-сулууспата иһитиннэрэр.

Силиэстийэ быһаарыытынан, кини шампунь 10 флаконун маҕаһыын стеллажыттан уорбут, ол кэннэ ааһан иһэр дьоҥҥо 300 солк. атыылаабыт.

Аҕыйах хонон баран, ол маҕаһыыҥҥа иккиһин төннүбүт. Ол эрээри үлэһиттэр табаар сүппүтүн тутатына быһаарбыттар уонна камераны бэрэбиэркэлээбиттэр. Эбии шампунь 6 флаконун тутан тахсан истэҕинэ, атыылааччылар уоруйаҕы туппуттар. Холуобунай дьыала тэрилиннэ, буруйдаах 2 сылга диэри болдьоххо көҥүлэ быһыллыан сөп.