Дьокуускайга 19  суол быһылаана тахсан, 7  киһи эчэйиини ылла

Ааспыт өрөбүл күннэргэ Дьокуускайга 19  суол быһылаана тахсан, 7  киһи араас эчэйиини ылла.

Бэс ыйын 5  күнүгэр  16 чаас саҕана Петра Алексеев уул. 21 нүөмэрдээх дьиэтин таһыгар,   26 саастаах «Toyota Allion» суоппара суол быраабылатын кэһэн, утары балаһаҕа тахсан,  «Mitsubishi Padjero» массыынаны кытары харсыспыт. Ол түмүгэр  икки массыына суоппара уонна  «Toyota Allion»  пассажира эчэйиини ылбыттар.

От ыйын  6 күнүгэр барыллааһын быһыытынан  түүн 2 чаас саҕана,  37 саастаах  «Toyota Premio» суоппара Сэргэлээх шоссетынан Билибин уулуссатын өттүттэн айаннаан иһэн,  аһара түргэнник баран, уруулун кыайан туппакка, тутууга (здание) кэлэн түспүт.

От ыйын 6 күнүгэр  22 чаас саҕана Строд уул. 5/3  дьиэтин таһыгар,  37 саастаах  «Suzuki Escudo» массыына суоппара  суолга тахсыыга сүрүн суолунан айаннаан иһэр матасыыкыллаах киһини аһардыбатах. Ол түмүгэр  суол быһылаана тахсан,   матасыыкыллаах киһи эчэйиини ылбыт диэн  Госавтоинспекция иһитиннэрэр.