Дьокуускайга 1981 с.т. эр киһини өлөрдүлэр

Саха сиригэр ааспыт сууккаҕа уон буруйу оҥоруу буолбутун туһунан СӨ Борокуратуурата иһитиннэрэр.

Дьокуускайга 1981 с.т. эр киһини өлөрбүттэр. Мэҥэ Хаҥаласка дьахтары өлөрүөх буолан сааммыттар. Маныаха уорбаланааччылары быһаардылар.

Үөһээ Бүлүүгэ кыбартыыраттан тэлэбиисэри уорбуттарын туһунан иһитиннэрии киирбит. Киин куорат олохтооҕо биллэриинэн саппааас чаастары атыылаары, 57 тыһ.солк. албыннаппыт.

Дьокуускайга наркотигынан эргиммиттэрэ биллибит, итирэн баран уруулга иккистээн олорбут суоппардар тутуллубуттар. Итиэннэ сымыйа бэлиэлэрдээх суоппар дастабырыанньатын туһаммыттарын, сааны сокуоннайа суохтук харайбыттарын быһаарбыттар.

Киһи өлүүлээх суол саахала бэлиэтэммэтэх. Дьокуускайга 1985 с.т. суоппар «Ваз-21063» массыынаны итирик туруктаах ыытан иһэн, Мерзлотнай уулуссаҕа компенсатор тирэҕэр тиийэн түспүт. 1992 с.т. пассажира араас эчэйиилэри ылан госпитализацияламмыт.

Суукка иһигэр итирик туруктаах 13 суоппары туппуттар.